Հայաստանում կան 44 հազար հոգեկան խնդիրներ ունեցողներ

Հայաստանում կան 44 հազար հոգեկան հիվանդներ, կամ հոգեկան հիվանդությունների հետ առնչվող մարդիկ: Այս մասին լրագրողների հետ հանդիպման ժամանակ ասաց Հայկական հոգեբուժական ասոցացիայի նախագահ Արմեն Սողոյանը:

Վերջինս նշեց, որ հոգեբուժական հիվանդությունները բուժելի են, և շատ ծայրահեղ դեպք պետք է լինի, որ հիվանդությունը չբուժվի: «Յուրաքանչյուր հիվանդություն ունի բուժման միտում, սակայն մենք հանդիպում ենք դեպքերի, երբ մարդիկ շատ ուշ են դիմում բժշկին, դա է պատճառ հանդիսանում, որ շատ դժվարությամբ են բուժվում: Լինում են շատ հազվադեպ դեպքեր, որ բուժելը արդեն հնարավոր չի լինում»,- ասաց Արմեն Սողոյանը:

Բանախոսը նշեց նաև, որ հասարակությունն էլ պետք է ունենա իր ներդրումը, և պետք է հոգեկան հ իվանդություն ունեցող մարդկանց վերաբերվեն սովորական մարդու նման:

Ըստ Ա. Սողոյանի հիվանդությունները լինում են ժառանգական, սակայն լինում են նաև կյանքի բերումով: «Հիվանդությունները տարածվում են նաև տնտեսական ճգնաժամերի պատճառով, և այդ դեպքում հիմնականում տղամարդկանց մոտ է հանդիպում, քանի որ ընտանիքի հոգսը հիմնականում տղամարդկանց վրա է»,- ասաց Սողոյանը:

Հոգեբույժը գտնում է, որ այն հիվանդները, ովքեր տառապել են հոգեկան հիվանդությամբ, սակայն ապաքինվել են, նրանք որևէ վնաս չեն կարող տալ հասարակությանը, այլ կարող են ընդգրկվել հասարակության մեջ:

Հարցեր, պատասխաններ, մեկնաբանություններ